InicioPolíticaAbel Caballero quere dividir as praias de Vigo en cuadrículas para evitar...

Abel Caballero quere dividir as praias de Vigo en cuadrículas para evitar contaxios en verán

O alcalde insinúa que o presidente da Junta de Andalucía, Juan Manuel Moreno, lle copiou a idea.

PUBLICADO O

O alcalde de Vigo, Abel Caballero, reivindicou este martes a idea de establecer “cuadrículas” nas praias para garantir a seguridade e evitar posibles contaxios de coronavirus, e sinalou que é unha medida que podería aplicarse nos areais vigueses ese verán.

O rexedor, que tamén é presidente da FEMP, asegurou que “xa hai dez días” comentou esa idea no seo da entidade municipalista, antes de que a expuxese o presidente da Junta de Andalucía, Juan Manuel Moreno, coas súas “mesmas palabras”.

Abel Caballero admitiu que esa medida podería implementarse nas praias de Vigo, unha decisión que, en todo caso, quere analizar co comité asesor de expertos, no marco das actuacións que levarán a cabo para a ‘desescalada’ do confinamento.

“Quero que o vexa o comité asesor. Trátase dunha idea inicial, establecer cadrados cun máximo de persoas. Esa idea ocorréusenos aquí, e non a descarto. Estamos a facer o estudo xa”, afirmou.

Segundo o alcalde, hai que “buscar, na nova normalidade, medidas que permitan a seguridade e o goce social”, e proclamou: “Eu teño moitas ideas, vou moi por diante, outra cousa é que non o conte”.

O alcalde de Vigo, que está a manter estes días reunións con representantes do comercio, turismo, hostalaría, etc., expuxo xa algunhas das medidas para apontoar a “reconstrución económica e social”, como programar eventos culturais de menor aforamento para dinamizar o turismo, ceder espazos públicos para ampliar as distancias nas terrazas dos bares e cafetarías, ou peonalizar zonas para facilitar os paseos.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...