InicioPolíticaNéstor Rego levará ao Congreso o "deixamento" das administracións sobre o...

Néstor Rego levará ao Congreso o “deixamento” das administracións sobre o paseo vigués de Bouzas

PUBLICADO O

O BNG levará ao Congreso iniciativas relacionadas co “deixamento” das administracións sobre o paseo de Bouzas, en Vigo, que permitan impulsar tanto a cesión como a recuperación do espazo para a cidadanía.

Segundo informou o partido nun comunicado, o deputado dos nacionalistas no Congreso, Néstor Rego, a portavoz en Europa, Ana Miranda, e o portavoz municipal, Xabier Pérez Igrexas, comprometéronse con este impulso este sábado durante unha reunión co colectivo veciñal ‘Bouzas Abandonada’.

Así mesmo, Néstor Rego subliñou que “resulta inaceptable” que exista esta “falta de mantemento nun barrio histórico” como Bouzas e sinalou que a situación do paseo é un “exemplo do deixamento” das administracións.

Ademais, recalcou a “preocupación” do BNG polas intencións da Autoridade Portuaria de ampliar a zona de recheos, pois pon “en cuestión” que sexa necesario. “Consideramos que é imprescindible un uso racional do espazo portuario, algo que dubidamos que se estea producindo”, engadiu.

Por último, o deputado nacionalista valorou “moi positivamente” a implicación dos veciños na denuncia da situación e destacou que “a participación cidadá é un alicerce básico no noso modelo de cidade”.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...