InicioPolíticaA ministra de Sanidade pide en Vigo o voto para parar "a...

A ministra de Sanidade pide en Vigo o voto para parar “a ameaza para a democracia” que supoñen “as tres dereitas”

María Luisa Carcedo acusa a PP e Ciudadanos de "branquear" a ultradereira de Vox.

PUBLICADO O

A ministra de Sanidade, Consumo e Benestar Social en funcións, María Luisa Carcedo, visitou este venres Vigo, onde pediu o voto para o Partido Socialista nas eleccións xerais do próximo domingo para parar “a ameaza para a democracia” que supoñen, ao seu xuízo, o tres dereitas (PP, Ciudadanos e Vox).

Así o asegurou nun mitin na zona vella da cidade olívica, no cal estivo acompañada, entre outros, polo secretario xeral do PSdeG, Gonzalo Caballero; a presidenta da Deputación de Pontevedra, Carmela Silva, e o alcalde de Vigo, Abel Caballero.

Para Carcedo, a dereita no canto de “acantoar” a extrema dereita, “branqueouna” e deixou que Vox inflúa nas decisións das institucións, polo que apostou por defender a democracia “con unllas e dentes”.

“Nestas eleccións hai dúas circunstancias moi especiais. Unha, que temos un avance da extrema dereita tremendo. E dous, non teñamos ningunha dúbida de que se as tres dereitas suman, van conformar o Goberno de España. E isto supón unha ameaza moi grande á nosa democracia“, lamentou a ministra diante de case un centenar de simpatizantes.

“BOMBA ATÓMICA”

Na mesma liña falou o secretario xeral do PSdeG, quen criticou que a extrema dereita “sen ningún complexo” agora “quere empezar a penetrar nas institucións políticas”.

Por todo iso, indicou que o “voto útil” é o do PSOE, para que así “Galicia e España avancen”, xa que sería unha “bomba atómica” para as liberdades políticas e sociais que se dese unha vitoria dos tres partidos de dereitas.

Neste aspecto tamén incidiu o seu tío e alcalde de Vigo Abel Caballero, quen insistiu na importancia de ir votar este domingo para “castigar” ao PP, “polo mal que o fixo na provincia de Pontevedra.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...