InicioPolíticaMarea de Vigo denuncia o sobrecusto na iluminación do Nadal e os...

Marea de Vigo denuncia o sobrecusto na iluminación do Nadal e os contratos adxudicados “a dedo”

O grupo municipal Marea de Vigo denunciou este martes o sobrecusto da iluminación do Nadal pola instalación de motivos ornamentais en lugares onde non estaban previstos no contrato inicial, así como a adxudicación "a dedo" de contratos, como o da xestión do mercadillo do Nadal na Praza de Compostela.

PUBLICADO O

O grupo municipal Marea de Vigo denunciou este martes o sobrecusto da iluminación do Nadal pola instalación de motivos ornamentais en lugares onde non estaban previstos no contrato inicial, así como a adxudicación “a dedo” de contratos, como o da xestión do mercado do Nadal na Praza de Compostela.

O portavoz do grupo, Rubén Pérez, sinalou que, mentres que o groso da iluminación ou a cabalgata dos Reis Meigos se adxudican mediante concurso, hai outros contratos que seguen a modalidade “dixital”, é dicir, “adxudícanse a dedo”, como a xestión dun mercado do Nadal na Praza de Compostela, por parte dunha empresa que chegou a pedir aos interesados en ocupar algunha das casetas un canon de 10.000 euros.

Ademais, puntualizou Rubén Pérez, a autorización para instalar un mercado nese espazo decidiuse “de forma tendenciosa” porque, segundo lembrou, aos libreiros, en 2014, se lles prohibiu montar a Feira do Libro na Praza de Compostela alegando motivos de seguridade e de protección do patrimonio. “Pero agora si se pode instalar un mercado”, denunciou, en alusión ás casetas, a pérgola e os canóns de neve artificial previstos.

Por outra banda, advertiu de que o Concello está a instalar ornamentación e iluminación a maiores da prevista no contrato coa empresa adxudicataria (Ximénez fíxose con ese contrato, por 2,5 millóns de euros para tres anos).

“Os vigueses teñen que saber que, por exemplo, tres arcos de luz máis en Coruxo son 525 euros; que pór cinco motivos do Nadal máis nunha rúa suman 950 euros”, engadiu, á vez que volveu criticar que o goberno local non contase co sector do comercio da cidade, que “xa alertou do efecto chamada cara ao centro e o baleirado do resto de zonas comerciais”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...