(Vídeo) Corina Porro: “a Xunta é a institución que máis inviste en Vigo, con máis de cen millóns”

Di sobre Caballero que "o que fai cando se lle torce un tema é botar balóns fóra e implicar á Xunta".

Corina Porro / © Miguel Núñez.

A delegada da Xunta en Vigo e líder do PP, Corina Porro, cargou este xoves duramente contra o alcalde de Vigo, Abel Caballero, ao que acusa de utilizar á Xunta para “botar balóns fóra”, cando algo non sae “como el quere”. Así, lembrou que é o Goberno galego a institución que máis inviste en Vigo, “con máis de cen millóns de euros”.

Eu non quero meter agora a facer política municipal“, dixo tras un encontro no Ifevi, pero despois aproveitou para criticar duramente a Caballero. “Cando non lle saen as cousas como el quere, e se lle torcen, bota balóns fóra…. E cando hai un tema que é de competencia únicamente municipal, vai e mete á Xunta”, dixo.

E, neste sentido, insistiu que é a Xunta a que “máis inviste en Vigo” en temas que son, dixo, “da súa competencia”. Entre estes citou a Cidade da Xustiza, con máis de 40 millóns; o Casco Vello “cun investimento case total da Xunta” ou a nova sede da Universidade de Vigo.

DEIXAR UN COMENTARIO

Please enter your comment!
Please enter your name here