InicioPolíticaO PP dálle a Alcaldía de Mondariz ao BNG, que nega conversas...

O PP dálle a Alcaldía de Mondariz ao BNG, que nega conversas cos ‘populares’

Xosé Emilio Barros tamén recibiu o apoio do único concelleiro do Partido Socialista para facerse co bastón de mando.

PUBLICADO O

- Advertisement -

O Partido Popular deulle este sábado a segunda Alcaldía ao BNG, desta vez no municipio pontevedrés de Mondariz (Pontevedra), tras facilitar un goberno nacionalista en Catoira. O acalde de Mondariz xa é Xosé Emilio Barros, quen tamén recibiu o apoio do único concelleiro do Partido Socialista para facerse co bastón de mando.

En concreto, os nacionalistas, que foron a segunda lista máis votada –con tres concelleiros–, obtiveron a Alcaldía tras o apoio destas forzas e ao non frutificar as negociacións para conformar goberno con Alternativa por Mondariz, a lista liderada polo xa ex-alcalde Xosé Carlos Bugarín Montes.

Precisamente, no pleno de constitución da nova corporación celebrado este sábado, os catro concelleiros de Alternativa por Mondariz votáronse a si mesmos e o representante de Ciudadanos abstívose.

O novo alcalde, Emilio Barros, subliñou que “non houbo ningún tipo de acordo co PP”. “Si se lle preguntou ao Partido Socialista polo sentido do seu voto, pero no caso do PP non houbo nin tan sequera o máis mínimo contacto”, subliñou.

Neste sentido, explicou que descoñece as razóns polas que o PP decidiu situarse dese modo. “O PP votou libremente o que lle deu a gana e a responsabilidade diso será do Partido Popular”, apuntou.

Ademais, preguntado por se prevé incluír o PP nun posible goberno, o nacionalista asegurou que eles só tentarán chegar a acordos “coas forzas de esquerda”. “E se non fose así, tentariamos gobernar en minoría, como é lóxico e razoable”, apuntou.

Pola súa banda, a portavoz popular, Ana Corredoira, rexeitou facer declaracións sobre o ocorrido na sesión plenaria deste sábado.

ALTERNATIVA POR MONDARIZ

O xa ex-alcalde de Mondariz, Xosé Carlos Bugarín Montes, criticou que “BNG, PP e PSOE” sumasen as súas forzas para “quitar” a alcaldía á lista “máis votada”.

Así mesmo, lembrou que, desde o momento das eleccións, Alternativa por Mondariz buscou conformar un acordo de goberno co BNG, que “só quería a Alcaldía como fose” e “foi dilatando as reunións”.

“Hoxe non respectaron o que dixeron os veciños, nós somos a forza máis votada e cremos que non vale todo en política. Hoxe faltouse ao respecto ao que dixeron os veciños”, indicou.

ÚLTIMAS

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...

Un accidente na Ponte de Rande provoca retencións na AP-9

Un accidente na ponte de Rande provoca retencións na autoestrada AP-9 en dirección Pontevedra,...

Prohibida a pesca do choco nas rías de Vigo e Pontevedra durante máis de tres meses

O Diario Oficial de Galicia (DOG) publica este xoves as resolucións da Consellería do...

PP e BNG de Vigo acusan que se impediu aos feirantes acdeder ao Concello e o goberno local négao

Os grupos municipais do PP e o BNG criticaron este xoves que se impediu...