Pedro Sánchez participará nun mitin o 14 de maio en Vigo

Pedro Sánchez en Vigo / Europa Press

O presidente do Goberno en funcións, Pedro Sánchez, participará na campaña electoral das municipais en Vigo, cun acto que terá lugar o 14 de maio, ás 19,00 horas, no pavillón de Navia, segundo avanzou este xoves o alcalde da cidade, Abel Caballero.

O rexedor socialista expresou a súa satisfacción porque o titular do Executivo e “recente gañador das eleccións xerais” elixise “estar na cidade”. “Doulle gran importancia a que elixise volver a Vigo“, proclamou Abel Caballero, quen lembrou que os votantes vigueses deron a Pedro Sánchez “o seu mellor resultado electoral de ningunha gran cidade de España”.

O alcalde fixo un chamamento aos cidadáns para que acudan ao acto do martes, onde se falará “de Vigo e do apoio que lle dá á cidade o Goberno de España, a Zona Franca e a Deputación de Pontevedra”, organismos todos dirixidos polo PSOE.

Así pois, Pedro Sánchez volve a Vigo este martes, un mes de despois da súa última visita, que se produciu en plena campaña das xerais. Queda por concretar se o líder do PSOE participará nalgún acto máis en Galicia na campaña electoral de municipais.