InicioEconomíaA Axencia Europea de Control da Pesca en Vigo, unha plataforma contra...

A Axencia Europea de Control da Pesca en Vigo, unha plataforma contra o “discurso antieuropeísta”

O director da ACCP, Pascal Savouret, puxo en valor a loita contra o furtivismo levada a cabo desde esta entidade no Día de Europa, nun acto no que se alertou do auxe da extrema dereita antieuropeísta.

PUBLICADO O

O director da Axencia Comunitaria de Control da Pesca (ACCP), Pascal Savouret, puxo en valor a loita contra o furtivismo levada a cabo desde esta entidade durante a última década no marco dun acto conmemorativo realizado en Vigo polo Día de Europa, que se celebra este xoves.

Na súa intervención, Pascal Savouret destacou o labor levado a cabo por esta entidade, cuxa sede está situada en Vigo, para “combater a pesca ilegal” e advertiu da importancia destas actuacións para garantir un sector máis “equitativo”.

Así mesmo, lembrou a importancia da “solidariedade” e da “coordinación” das accións levadas a cabo por este e outros organismos da Unión Europea (UE).

A subdelegada do Goberno na provincia de Pontevedra, Maica Larriba, sinalou que o proxecto común da UE se xestou como “comercial”, aínda que, co paso dos anos, aumentou a súa vocación “social” e mostrouse convencida de que, a través desta liña de actuación, crearase “unha Europa máis solidaria”.

ELECCIÓNS EUROPEAS

Ademais, recalcou a importancia da participación da cidadanía nas próximas eleccións europeas, que se celebran o 26 de maio, nun momento no que, segundo apuntou, xerminou un “discurso antieuropeísta” baseado en “falacias”.

A presidenta da Deputación de Pontevedra, Carmela Silva, advertiu de que se abandonou a aposta pola “idea” dunha Europa unida e sinalou a importancia de pertencer á UE para os seus membros.

Deste xeito, puxo como exemplo que os países comunitarios poderán terán unha maior capacidade de adaptación á Cuarta Revolución Industrial a través da UE que a que suporía abordala por separado e lembrou que o avance experimentado en España por mor da súa adhesión ao espazo común.

PRESENZA DE “DEREITAS EXTREMAS”

Neste sentido, o alcalde de Vigo, Abel Caballero, lembrou que a Unión Europea se xestou tras dúas guerras mundiais e advertiu de que, na actualidade, están presentes as mesmas “dereitas extremas” que derivaron neses conflitos.

Por iso, ante quen buscan “romper Europa”, chamou a crear un eixo entre Francia, Alemaña e España que recupere a aposta por un continente “vertebrado”.

A conselleira do Mar, Rosa Quintana, incidiu ademais no feito de que é “deber” dos membros da UE “manter e mellorar” as relacións cos demais integrantes.

Tamén puxo en valor o labor levado a cabo pola Axencia Europea de Control da Pesca xa que, segundo remarcou, a pesca ilegal supón un “problema” para aqueles que se ateñen á normativa e para a saúde dos consumidores.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...