InicioPolíticaPedro Sánchez participará o 16 de abril nun mitin en Vigo

Pedro Sánchez participará o 16 de abril nun mitin en Vigo

PUBLICADO O

O candidato socialista á Presidencia do Goberno, Pedro Sánchez, participará na tarde do próximo martes, día 16 de abril, nun mitin na cidade de Vigo con motivo da campaña electoral para as eleccións xerais.

Así mesmo, o cabeza de lista do PSOE aos comicios europeos, Josep Borrell, asistirá o primeiro día de campaña, o venres 12, a un acto de partido en Ourense; mentres que o ministro de Ciencia e Universidades, Pedro Duque, estará o domingo en Lugo.

O secretario xeral do PSdeG, Gonzalo Caballero, destacou que os socialistas percorrerán Galicia para trasladarlle aos galegos a “importancia vital” dos próximos comicios do 28 de abril.

O xefe de filas dos socialistas galegos subliñou a necesidade de votar ao Partido Socialista fronte a un PP que “non pecha ningunha porta” a pactos con Vox e que presentou un programa “cheo de propostas propias da ultradereita”.

RECENTRALIZACIÓN DE COMPETENCIAS

“Fala de recentralizar competencias”, denunciou Gonzalo Caballero, que asegurou que esta proposta do Partido Popular fai que Galicia “retroceda ata niveis previos aos existentes no Estatuto de Autonomía”.

Caballero tamén criticou que a proposta dos populares en materia lingüística implique un “retroceso histórico” tendo en conta que propón que “non sexa necesario que os funcionarios do Estado en Galicia saiban falar galego para desenvolver as súas tarefas”. “Nun país no que centos de galegos falamos galego e temos que ter dereito a que os funcionarios que nos atenden saiban falar galego”, apuntou.

Ademais, mostrou a súa “preocupación” polo feito de que os populares “non se comprometan nin se sitúen con claridade sobre o dereito das mulleres a interromper o embarazo nas primeiras semanas de xestación”.

Todas estas medidas, para Gonzalo Caballero, “quitan calquera tipo de credibilidade e lexitimidade” ao presidente da Xunta, Alberto Núñez Fejióo, cando quere “falar de autogoberno e galeguismo”.

“O Partido Popular está a converterse nunha casa do absurdo, na que cada día nos din unha cousa tentando rapiñar os votos de Vox sen ter ningún tipo de seriedade nas súas propostas”, censurou o dirixente socialista.

O PSOE, DEFENSOR DOS DEREITOS E LIBERDADES

Fronte a este PP convertido na “casa do absurdo”, debuxou a un Partido Socialista que defende unha España “de dereitos e liberdades”, de “compromiso co Estado do benestar” e que “aposta por mecanismos competitivos compatibles co sostemento dos recursos naturais” e avances en “dereitos como a eutanasia”.

Segundo indicou, todas propostas “positivas para os galegos” a pesar de que “Feijóo engane” os cidadáns cando “non pon en valor as posicións e avances que implica un goberno socialista”.

Por último, preguntado sobre se o PSdeG participará nos debates electorais que se lle expoña, explicou a dirección do partido e o comité electoral “estudan as propostas” que lles están chegando e atende “aquelas formulacións” que lle parecen “adecuadas para trasladar” o seu proxecto.

“Todo o que ocorra virá marcado polo que a xunta electoral” indique “para a participación en debates de acordo á lei e a igualdade de oportunidades en función dos apoios que tivesen” as forzas, indicou.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...