InicioPolíticaCaballero sobre o delegado da Xunta López-Chaves: “É un mercenario político e...

Caballero sobre o delegado da Xunta López-Chaves: “É un mercenario político e mentireiro patolóxico”

PUBLICADO O

O presidente da Xunta, Alberto Núñez Feijóo, volve ser tema de conversación na cidade de Vigo. E todo a conta da PassVigo, a tarxeta de transporte metropolitano. O alcalde, Abel Caballero, asegurou este luns que existe “un clamor” na cidade para que se declare persoa “non grata” a Feijóo porque os vigueses están “fartos” das súas medidas “en contra da cidade” e que culminaron “cunha lei singular para que Vigo lle pague o bus a todo o mundo”. Unha proposta que non comparten nin o PP, nin En Marea.

Abel Caballero insistiu en que a lei 2/2017 impide aplicar o criterio de empadroamento para dar bonos sociais de transporte (a parados, pensionistas, discapacitados, etc.), pero dita norma “só se aplica en Vigo”, xa que o resto de cidades galegas si que teñen esa esixencia e non se denunciou.

“E sae este mercenario político, este mentireiro patolóxico, ao que lle pagan por mentir, negando a lei, a ver se coa”, proclamou o alcalde, en alusión ao delegado da Xunta, Ignacio López-Chaves. “Di que a lei é para todos, pero só se aplica en Vigo”, engadiu. O rexedor olívico criticou, ademais, que o PP da cidade “defende entusiasta” a posición da Xunta, e “por iso a xente está indignada e pide declarar persoa ‘non grata’ a Feijóo”.

Así o manifestou o rexedor nunha rolda de prensa na que, no entanto, non concretou se, ante ese “clamor” e a “enorme cantidade de peticións” dos vigueses, tramitará esa declaración para que sexa levada a pleno. “Iso depende do alcalde, e as miñas decisións tómoas eu”, aseverou, e lembrou que, xa en 2013 e por iniciativa súa, o pleno declarou persona “non grata” ao entón comisario europeo Joaquín Almunia pola súa actitude ante a crise do tax lease, que afectou de forma grave á industria naval viguesa.

DEMAGOXIA

Pola súa banda, o concelleiro do PP Miguel Fidalgo ante as críticas de Caballero a Feijóo, lembrou que o alcalde de Vigo presentouse ás eleccións autonómicas en 1997 e colleitou “o peor resultado” da historia dos socialista galegos, mentres que o actual presidente da Xunta leva “tres maiorías absolutas, e co apoio dos vigueses”.

“O que non fai Feijóo é demagoxia, non vai dando caramelos na Cabalgata de Reis nin toca o bombo”, engadiu Fidalgo, quen insistiu en que “ningunha cidade de Galicia esixe estar empadroado para dar bono bus ordinario”.

“O que lle pasa a Caballero é que está acelerado porque as sondaxes non lle son propicias e Vigo non lle vai a volver dar maioría absoluta. Non sei que enquisas ten el, igual a que ten fíxoa a cuñada de Carmela Silva, que é a que fai as enquisas”, ironizou.

Fidalgo volveu a esixir que se realice unha “auditoría” das contas da concesionaria do bus, Vitrasa, e lembrou que, en 2015, con medio millón de tarxetas verdes, o Concello pagaba a Vitrasa 11,5 millóns; mentres que, coa nova PassVigo só para empadroados (unhas 120.000 tarxetas, segundo os seus cálculos), o custo é de 13 millóns. “Onde vai o diñeiro?”, cuestionou.

“SOLEMNE TONTERÍA”

Mentres, o portavoz de Marea de Vigo, Rubén Pérez, cuestionado sobre ese suposto “clamor” para declarar persona “non grata” a Feijóo, afirmou que é unha “solemne tontería” expor sequera ese tipo de iniciativas nun pleno municipal.

Segundo indicou, o que o goberno municipal debe facer é esixirlle á Xunta que se cumpra co espírito do convenio do transporte metropolitano, e reclamarlle á administración autonómica que asuma o custo do 80 por cento dos billetes de bus. Así, criticou que se utilice o pleno da Corporación para “o xogo de machos alfa entre Feijóo e Caballero”, en lugar de dar ideas e esixir solucións.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...