Feijóo califica a Caballero de “personaxe” e di que fai o ridículo polas luces de Nadal

Feijóo nun acto do PP / Twitter PP

A evolución da personaxe que perde o sentido da realidade é total. Xa non sei se esa personaxe e ese ridículo son incompatibles”. Con esta contundencia describiu o presidente da Xunta, Alberto Núñez Feijóo, ao alcalde vigués, Abel Caballero, tras anunciar o acendido de Nadal en pleno verán.

Preguntado sobre a posibilidade de que no concello vigués se abra unha Comisión de Investigación sobre a súa relación co narco Marcial Dorado, Feijóo dixo que, a pesar dos anuncios feitos con anteioridade por Caballero, “non lle deixa de sorprender esta personaxe política que se supera cada día”. De feito, remitiu aos propios informadores á rolda de prensa do pasado mércores de Abel Caballero na que anunciou a iluminación de Nadal. “Eu vin o vídeo e non saío do meu asombro”, dixo.

Feijóo, con Dorado
Feijóo, con Dorado no iate deste último nos anos noventa | Fonte: El País

En todo caso, o presidente galego evitou a cuestión de Dorado atacando a Caballero e insistiu que “cada galego xa pode calificar a ese señor por si mesmo”. “Está claro que hai unha evolución dunha personaxe que perde o sentido da realidade”, concluíu.

 

2 COMENTARIOS

  1. Feijóo non fai o ridículo. Non. Os seus negocios e os seus amigod son mooooito máis serios. Tanto que nin quere falar deles.
    O do vigués, como calquera outra nova que chame a atención, sírvenlle ben de parapeto para calar O SEU.
    Noxento.

DEIXAR UN COMENTARIO

Please enter your comment!
Please enter your name here