Santiago investigará o accidente do Marisquiño de Vigo

A abstención do PP facilitou que a iniciativa de En Marea e do BNG saira adiante.

Parlamento de Galicia / GC

Santiago investigará o accidente do Marisquiño acontecido en Vigo. Así o decidiu este martes o Parlamento de Galicia tras aprobar a creación dunha comisión de investigación para determinar as causas e dirimir as responsabilidades políticas.

Unha comisión que foi aprobada grazas á abstención do PP a unha iniciativa presentada por En Marea e o BNG e que contou cos votos en contra do PSdeG. É das poucas veces que os populares permitan que o Parlamento galego constitúa unha comisión de investigación. Unha decisión que chega logo do enfrontamento do presidente galgo, Alberto Núñez Feijóo, co alcalde vigués, Abel Caballero, a conta das responsabilidades deste accidente.

Aínda que a apertura desta comisión na Cámara autonómica foi aprobada cos votos de En Marea e BNG e o “permiso” dos populares, o certo é que a súa portavoz no debate, Teresa Egerique, asegurou que o seu grupo non “impediría” a investigación, pero ao tempo defendeu que os populares non queren “circos”.

Un día antes de coñecer cal sería o sentido de voto dos populares, socialistas vigueses trasladaran unha advertencia: a posibilidade de crear dúas comisións de investigación no Concello –una sobre “a relación de Núñez Feijóo co narcotraficante Marcial Dorado” e outra sobre a “discriminación” e “abandono” da cidade olívica por parte da Xunta de Galicia do PP–.

1 COMENTARIO

  1. Como podemos ver a abstención do PPdG é o sinal convenido para que Enrique López Veiga e Abel Caballero sigan adiante co seu PROGRAMA OCULTO de privatizacións do espazo público en Vigo !

    Supoñemos que o primeiro pelotazo serán os terreos da factoría ALFAGEME
    https://www.google.com/maps/d/viewer?mid=1NmFsdQwCwVhhSm8EKYvkI0Li6nI&ll=42.22456090828651%2C-8.748726099999999&z=18

    E mentres tanto os carallos de En Marea e BNG cobrarán os emolumentos por latricar no Parlamentiño do Hórreo sen repercusión algunha, xa que o tema do Marisquiño está nas mans do xulgado número 3 de Vigo…

    E os recursos xurídicos do Porto e do Concello adiarán o proceso por DEZ ANOS !!!

    Como sucedeu coa Cruz do Castro (Caídos!) https://flic.kr/p/27eYtpj

DEIXAR UN COMENTARIO

Please enter your comment!
Please enter your name here