InicioPolíticaO PP acusa o Goberno de blindar "un negocio redondo" para Audasa...

O PP acusa o Goberno de blindar “un negocio redondo” para Audasa coas obras da Ponte de Rande

Os populares de Pontevedra aseguran que o PSOE está "a traballar na defensa dos intereses de Audasa nos tribunais e adopta medidas para protexer a concesionaria", mentres que "se esquece de defender e adoptar medidas para os cidadáns".

PUBLICADO O

Partido Popular de Pontevedra denunciou este sábado que o Goberno español blindou un “negocio redondo” para Audasa e “ruinoso” para os cidadáns “á conta” das obras de ampliación da ponte de Rande.

Así o transmitiu o partido nun comunicado tras coñecerse que a Avogacía do Estado se personou no xuízo polo cobro de peaxes durante as obras desta ponte.

Os populares de Pontevedra consideran “inaceptable” este “ataque” do Goberno do PSOE á provincia “ao situarse ao lado de Audasa en lugar de defender os intereses dos usuarios da AP-9”.

O deputado nacional do PP Javier Bas recalcou que esta decisión “vai en contra da economía e os veciños” e que é un “novo ataque” do Goberno socialista á provincia. “Ninguén fixo tanto dano en tan pouco tempo como Pedro Sánchez“, subliñou.

Nesta liña, o deputado sinalou que en ano e medio o Goberno central “paralizou” a gratuidade da peaxe de Redondela, as obras de mellora como consecuencia da ampliación da AP-9 e que “agora decide acudir aos tribunais en contra dos usuarios e a favor da concesionaria”.

Así mesmo, Javier Bas recalcou que a Audasa “lle vai mellor cando gobernan os socialistas”. Engadiu que o PSOE está “a traballar na defensa dos intereses de Audasa nos tribunais e adopta medidas para protexer a concesionaria”, mentres que “se esquece de defender e adoptar medidas para os cidadáns”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...