Nace Emerxia, unha canle de comunicación para informar de incidencias ao Concello de Cangas

Emerxia/ Concello de Cangas

O Concello de Cangas xa dispón de “Emerxia”, unha canle directa de comunicación entre veciños e concello mediante a que reportar e tratar as incidencias e suxestións do día a día.

Este servizo, que están a probar dende a concellaría de Obras e Servizos durante o mes de agosto cara a súa implantación definitiva no caso de ser efectiva e eficiente, permite aos veciños ou visitantes suxerir ou reportar calquera incidencia coa que se atope no seu día a día aportando unha fotografía, datos e localización automática.

Dende o teléfono móbil calquer cidadán pode conectarse e remitir as suxestións ou incidencias e urxencias que desexa mediante unha fotografía que se remite ao servizo correspondente xunto cos datos e a localización, para que os servizos municipais poidan xestionala no menor prazo de tempo posible segundo sexa esta incidencia.

Por exemplo, no caso de detectar unha fuga por averia de auga nunha rúa ou camiño, sacar unha foto co móbil, conectarse á plataforma e remitir a fotografía, esta foto xunto coa localización do punto envíase automaticamente ao servizo correspondente para enviar o persoal de garda que repare esta incidencia.

A cidadanía tamén recibirá no seu móbil o estado no que se atopa esta incidencia, en trámite, pendente ou resolta. Indicar que debe ter un uso responsable e que as incidencias tramítanse por orde de urxencia.

Para acceder a este servizo basta con conectarse á páxina web municipal e seleccionar a icona “Informar de incidencia” ou directamente neste enlace.

DEIXAR UN COMENTARIO

Please enter your comment!
Please enter your name here