InicioSociedadeO Porto de Vigo reclamará unha indemnización ao Concello de Cangas do...

O Porto de Vigo reclamará unha indemnización ao Concello de Cangas do Morrazo polo non mantemento dun paseo

Jesús Vázquez Almuíña sinala que a Administración local asinou un convenio de colaboración que a "obrigaba a asumir o seu mantemento".

PUBLICADO O

O Porto de Vigo reclamará unha indemnización por danos e prexuízos ao Concello de Cangas do Morrazo ante os traballos de mellora e mantemento levados a cabo no paseo de Salgueirón.

Precisamente, este venres o presidente da Autoridade Portuaria de Vigo, Jesús Vázquez Almuiña, visitou o estado actual do paseo, segundo detallou o Porto nun comunicado.

En concreto, as obras arrincaron o pasado 31 de maio, tras “a negativa do Concello de Cangas a facerse cargo do mantemento deste espazo” a pesar de que “estaba obrigado a iso como consecuencia dun convenio de colaboración subscrito entre ambas as partes”.

De feito, en senllas reunións mantidas en abril e maio coa alcaldesa de Cangas, Vitoria Portas, Almuiña trasladou “a urxencia de acometer estes traballos”. Así, o presidente do Porto lembrou que o paseo do Salgueirón foi entregado en 2015 á Administración local, coa que se asinou un convenio de colaboración que a “obrigaba a asumir o seu mantemento”.

No entanto, o Porto remarcou que o Consistorio “nunca levou a cabo” traballos no paseo, polo que a primeira institución contratou o arranxo do mesmo “ao entender que os cidadáns de Cangas non tiñan por que padecer a falta de mantemento deste espazo”. Así, avanzou que reclamará ao Concello danos e prexuízos por uns traballos aos que destinou 45.000 euros.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...