InicioSociedadeAs limpadoras de Cangas, "sufrindo discriminación salarial desde o ano 1992"

As limpadoras de Cangas, “sufrindo discriminación salarial desde o ano 1992”

A CNT denuncia a precariedade laboral que sofren as limpadoras no Concello de Cangas

PUBLICADO O

As empregadas do servizo de limpeza de edificios públicos do Concello de Cangas reciben no ano 2020 a mesma remuneración que recibía un traballador de limpeza viaria no ano 2010. Dez anos de diferenzas salariais que, tras a subida do custo de vida nestes últimos anos, deixa ás traballadoras nunha situación de precariedade. Con todo, esta discriminación non é novaxa que se produce dende o ano 1992 no que se negociou o convenio colectivo e perdura até o día de hoxe coa conivencia do comité de empresa.

Así, o cre, cando menos, a CNT, que demanda tamén ao Concello deCangas por discriminación indirecta por razón de xénero na contratación. Neste caso, as traballadoras públicas do servizo de limpeza de edificios públicos asinan contratos temporais cunha duración de 6 meses e tras este período volven a unha bolsa de traballo na que teñen que esperar até ser chamadas de novo. Ademais da discriminación indirecta por razón de xénero, A CNT acusa ao concelo de cometer tamén unha fraude na contratación dunha parte importante do persoal público que traballa para a corporación, dado que realiza contratos temporais para traballos estruturais, habituais e permanentes.

O sindicato CNT estará en Cangas o vindeiro 4 de xullo nunha xuntanza explicativa onde todos os traballadores e traballadoras poidan comprender a grave situación de desigualdade, precariedade e temporalidade na que se atopan baixo o goberno municipal “e co beneplácito do resto de representantes sindicais”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...