InicioCulturaBueu celebra unha festa popular en Ons e homenaxea os seus habitantes

Bueu celebra unha festa popular en Ons e homenaxea os seus habitantes

PUBLICADO O

A recuperación por parte do Concello de Bueu das festas populares no rural continúa o próximo sábado, 18 de agosto, na Illa de Ons, cun programa festivo e de homenaxe á veciñanza no que colabora a Asociación Cultural PiñeirOns.

O programa arrancará ás 11 da mañá cunha ruta fotográfica desde o porto ata a zona de Curro con Servando e Contradança, e a compañía da fotógrafa bueuesa Alba Sotelo, quen coordinará a recreación dunha foto antiga, elemento estrela destas freguifestas que percorreron nas semanas previas Ermelo e Beluso, e que se pecharán a finais de mes en Cela.

Xa na contorna de Curro, ás 12.30 horas Maravallada ofrecerá un concerto de música
galega para dar paso a continuación ao homenaxe a Victoria López López, Cesáreo
Pérez Patiño, que levan vivindo toda a vida na Illa e Arturo Dios Otero, este último
postumamente, por ser o organizador das Festas de San Xaquín.

Dado que un dos obxectivos destas freguifestas é o de fomentar hábitos sostibles, pola
tarde, os máis pequenos e pequenas poderán gozar do espectáculo infantil “Contos para
coidar a terra” da man do grupo Touporrotou co que reflexionarán sobre o medio
ambiente, e rematarase cunha ruada a cargo de Servando e Contradança.

O concelleiro de cultura, Xosé Leal, lembra que o Concello ten operativa a páxina web
na que se poden ver todas as fotografías antigas que se están recompilando no marco deste proxecto coa colaboración veciñal, e na que tamén estarán as actuais.

As persoas interesadas en achegar material gráfico para documentar a evolución das festas poden acudir ao Concello ou ben escribir aos correos electrónicos comunicacion@concellodebueu.gal  e freguifestas@gmail.com.

A veciñanza da Illa tamén colabora de xeito activo nesta festa coa organización de
diversos eventos na fin de semana. O sábado de 21.30 a 23 horas actuará o DJ Toño e a
partires das 23.30 h, Raul & Cía. O domingo pola mañá, ruada coa charanga “A cabeza
non para”, e oficios relixiosos por San Xaquín e Santa Ana a partir das 13 horas.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...