InicioCartel do SonRías Baixas: Kase.O, Sés ou La M.O.D.A do 3 ao...

Cartel do SonRías Baixas: Kase.O, Sés ou La M.O.D.A do 3 ao 8 de agosto

As entradas oscilan entre os 23 e os 29 euros.

PUBLICADO O

O municipio pontevedrés de Bueu acollerá entre o 3 e o 8 de agosto unha edición especial do festival Sorrías Baixas, que contará cun cartel formado por Kase.O, Sés, La Pegatina, La M.O.D.A., Travis Birds, Muerdo, TéCanela, Sabela, ISEO & DodoSound, Ciudad Jara, Tu Otra Bonita e SonDaRúa. A programación que este ano expón a promotora PlayPlan, adaptada á situación de pandemia, transforma o festival nun ciclo de concertos que dobra a duración tradicional da cita, pasando de tres a seis noites de música en directo.

Deste xeito, Sorrías Baixas “dobrará a súa aposta pola celebración de eventos en vivo e ampliará a duración da programación” do festival, explican os seus responsables, unha opción que permite programar dúas actuacións ao día e “ofrecer unha experiencia festivalera que garanta a seguridade de público e artistas no contexto sociosanitario actual”.

Os concertos do ciclo Sorrías Baixas 2021 terán lugar en horario nocturno. A xornada inaugural, o martes 3 de agosto, contará coa música de Sés, que regresará aos escenarios galegos para presentar o seu último disco, ‘Liberar as arterias’. Previamente, o dúo TéCanela avanzará algúns temas do seu próximo traballo discográfico.

Xa de cara á fin de semana, o ciclo arrincará o venres 6 coa actuación de Sabela e La M.O.D.A., mentres que o día 7 o protagonista será o rap, con Kase.O e o seu disco Jazz Magnetism. A noite completarase co Eterno Combate do grupo de rap galego SonDaRúa, que tamén se estrea no cartel do Sorrías Baixas. O peche desta edición terá lugar o domingo 8 de agosto da man de dúas bandas que xa pasaron por Bueu en anteriores edicións do Sorrías Baixas: Muerda e La Pegatina.

VENDA DE ENTRADAS

As entradas sairán á venda o vindeiro luns 24, ás 10.00 horas, e os tickets unicamente poderanse adquirir a través da web oficial do festival, www.sonriasbaixas.info, e da plataforma dixital www.enterticket.es.

O equipo do Sorrías establecerá, nesta ocasión, tres tramos diferenciados de prezos en función da disposición dos asentos preasignados no recinto, e cada un destes tramos corresponderase, fisicamente, cun espazo organizado co seu respectivo equipamento e protocolo de seguridade de prevención da covid-19. O prezo das entradas será de 23 euros, 26 euros e 29 euros, segundo a relación de proximidade co escenario.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...