Pensionistas saen á rúa para “defender as pensións actuais e futuras”

Concentración en Vigo en defensa das pensións / Miguel Núñez
Concentración en Vigo en defensa das pensións / Miguel Núñez

A Coordinadora Estatal pola Defensa do Sistema Público de Pensións (Coespe) celebrou este sábado mobilizacións en 270 localidades de toda España, entre as que se atopan os concellos de Vigo, Cangas e Nigrán, ademais dos da Coruña, Cariño, Ferrol, Lugo, Noia, Pontevedra ou Ribadeo, para “defender as pensións actuais e futuras”.

Neste sentido, Coespe considerou “crucial” para o Sistema Público de Pensións o actual ciclo electoral e principalmente as eleccións xerais do 28 de abril, “moito máis despois de que o pasado día 4 de abril o Parlamento Europeo deulle as costas aos dereitos dos cidadáns aprobando o Plan Europeo de Pensións Individuais, todo un torpedo á liña de flotación dos sistemas públicos de pensións en Europa”.

“Non puidemos evitar a súa aprobación a pesar do esforzo realizado, pero non nos imos a render, non por iso, non por ningún contratempo que teñamos”, explicou a organización, que asegurou que os pensionistas “xogarán un papel primordial e decisivo” nas eleccións.

Así, o Movemento Galego pola Defensa das Pensións Públicas (Modepen) tamén participou nestas concentracións e indicou nun comunicado que os pensionistas están “nun momento de absoluta encrucillada” xa que “se están xogando o futuro” do Sistema de pensións público, polo que xustificou a realización destas protestas.

“É certo que nesta batalla xa levamos uns anos, pero é agora cando realmente necesitamos demostrar que si se pode. Puidemos co Goberno do PP e o seu 0,25 (en relación á subida do 0,25% das pensións que levou a cabo o Partido Popular), conseguimos a suba co IPC o ano pasado e este. Conseguimos, coas nosas mobilizacións, frear algo a caída en barrena do Sistema Público de Pensións”, reivindicou.

Con todo, Modepen lamentou que “a ameaza segue aí“, e responsabilizou aos “políticos do bipartidismo” de “contribuír a destruír o Sistema Público de Pensións”.

DEIXAR UN COMENTARIO

Please enter your comment!
Please enter your name here