InicioMedio Ambiente e PatrimonioSolta de 6.000 crías de salmón no Miño en Tui para impulsar...

Solta de 6.000 crías de salmón no Miño en Tui para impulsar a candidatura ao Premio Natura 2000

Forma parte dunha acción de cooperación transfronteiriza para mellorar os hábitats fluviais. O Goberno dá luz ver.de a actualizar o acordo transfronteirizo con Portugal de pesca e caza no río Miño.

PUBLICADO O

A Xunta organizou este martes unha solta de 6.000 exemplares novos de salmón no río Miño, á altura da Comandancia Naval de Tui, no marco dunha acción de cooperación transfronteiriza para mellorar os hábitats fluviais, e para impulsar a candidatura do proxecto Migra Miño ao Premio Natura 2000, convocado pola Comisión Europea.

No acto de solta participaron o alcalde de Tui, Enrique Cabaleiro; a directora xeral de Patrimonio Natural, Belén do Campo; o presidente da Cámara Municipal de Valença do Minho, José Manuel Carpinteira; unha trintena de escolares; e membros das Forzas Armadas, entre outras autoridades.

Segundo explicou do Campo, trátase da única iniciativa de cooperación entre España e Portugal que chega a finalista na sexta edición destes premios, nun certame no que concorreron un total de 40 proxectos de toda a UE.

No caso de Migra Miño, a iniciativa opta ao galardón na categoría de Cooperación Transfronteiriza, xunto a tres proxectos de Austria, Francia e Alemaña. O gañador será escollido por un xurado profesional e darase a coñecer en Bruxelas no mes de maio.

Lograr o premio suporía, apuntou a directora xeral, “un recoñecemento ao traballo conxunto de Galicia e Portugal na protección da biodiversidade e na conservación da natureza, na conca internacional do Miño”.

MIGRA MIÑO

O proxecto Migra Miño foi impulsado en 2017 para mellorar o estado de conservación dos hábitats fluviais e das principais especies migratorias de peixes a ambos os dous lados da fronteira, así como para pór en valor a pesca tradicional e contribuír ao desenvolvemento socioeconómico deste territorio.

O ámbito de intervención abarca desde o encoro de Frieira, en Ourese, ata a desembocadura do Miño, o que inclúe cinco espazos da Rede Natura 2000 (dous deles en Galicia e outro tres en Portugal).

Nos últimos cinco anos liberáronse máis de 173.000 xuvenís de salmón e máis de 1.600 quilos de anguías; tamén se elaborou un documento que recolle as normas de xestión comúns para a pesca fluvial no tramo internacional do río e nos seus afluentes.

Ademais da Xunta, participan nesta iniciativa a Confederación Hidrográfica Miño-Sil, a Universidade de Santiago de Compostela, o Instituto da Conservaçao da Natureza e das Forestas, a Agência Portuguesa do Ambiente, o Centro Interdisciplinar de Investigaçao Marinha e Ambiental, e a Cámara Municipal de Vilanova de Cerveira.

ACORDO TRANSFRONTEIRIZO

O Goberno deu luz verde á renovación do acordo entre o Estado español e a República de Portugal sobre a pesca no tramo internacional do río Miño e a práctica da caza nas súas marxes.

O acordo foi aprobado este martes no Consello de Ministros e introduce novidades no reordenamento das sancións e a enumeración “clara e detallada” da Comisión Permanente Internacional do Río Miño (CPIRM).

Estes pactos transfronteirizos entre España e Portugal xorden da reunión da Comisión Internacional de Límites, celebrada en Madrid en abril de 2019 e que deu continuidade ao encontro celebrado en 2014. Os tratados foron asinados no cume hispano-luso do pasado 28 de outubro que tivo lugar en Trujillo (Cáceres).

Nesa reunión, os gobernos español e portugués decidiron actualizar os regulamentos en vigor para actualizar os regulamentos á actividade de pesca profesional, recreativa e de pesqueiras no tramo internacional do río Miño.

O novo marco inclúe a nova denominación como ‘acordo internacional’ en lugar de ‘regulamento’, introduce unha cláusula de emenda e regúlase o ámbito de aplicación no que se establecen as liñas de peche da desembocadura do río Miño e elimina o seu tramo internacional.

Pola súa banda, o acordo relativo á caza nas marxes do río, actualizada a norma vixente desde o ano 1995. Do mesmo xeito que para a pesca, pretende reforzar a “cooperación e acción coordinada” entre os países veciños.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...