Varias árbores, algunhas delas de considerable tamaño e idade, foron cortadas nos últimos días en dous lugares diferentes do Concello de Vigo. Por unha banda, nos parques da praia de Samil, e pola outra, no parque do Castro.
Unha situación que provocou numerosas reaccións en redes sociais que mesmo falan de “arboricidio”. Segundo fontes consultadas por Xornal de Vigo, a talla do castro está impulsada polo Ministerio de Fomento e está vinculado a Patrimonio Histórico pola conservación da fortaleza.
