O presidente da industria nuclear en Vigo: “É unha enerxía campioa na loita contra o cambio climático”

O presidente da Sociedad Nuclear Española defende que as centrais son hoxe "máis seguras" que cando iniciaron a súa actividade e que é un "sector vivo".

Centrales nucleares / xlsemanal.com

Sociedad Nuclear Española (SNE) reivindicou este mércores o papel desta enerxía na loita contra o cambio climático e nun futuro “completamente libre de emisións”, á vez que incidiu en que a xestión dos residuos radioactivos “é máis un problema político que técnico”.

Así o trasladou, en declaracións aos medios, o presidente desta Sociedade, Francisco Javier García, antes da apertura do 45º encontro anual da SNE, que se celebra en Vigo, coa presenza de 600 participantes e unhas 200 empresas e institucións.

Guerra explicou que a enerxía nuclear en España (con 7 reactores activos) é a primeira fonte de xeración de electricidade, cun 22 por cento; e supón “máis dun terzo da electricidade producida sen emisións de CO2”.

“É unha enerxía campioa na loita contra o cambio climático”, proclamou e incidiu no “papel importantísimo” que esta enerxía vai xogar nese futuro escenario, como “complemento” das enerxías renovables.

Con respecto ao debate sobre a vida das centrais nucleares, Francisco Javier Guerra lembrou que, en España, os 7 reactores activos e a industria asociada a eles xeran 28.000 postos de traballo, e que as centrais exportan a 40 países.

Por tanto, concluíu, trátase dun sector “vivo” e, dado que cada 10 anos as instalacións son sometidas a revisión polo Consello de Seguridade Nuclear, e fixéronse “investimentos importantísimas”, as plantas son “máis seguras” actualmente que o primeiro día en que iniciaron operacións. Noutros países, como Estados Unidos ou Suecia, suliñou, o debate xa non é se a vida útil dunha central está nos 40 anos, senón se se pode aumentar dos 60 aos 80 anos.

RESIDUOS

Por outra banda, e cuestionado sobre a xestión dos residuos nucleares, o presidente da Sociedade Nuclear Española apuntou que é “un tema sempre debatido” pero que a industria do sector “leva xestionando desde o comezo das operacións das plantas”.

“Existen solucións técnicas que garanten que se xestionan os residuos de forma segura para a sociedade, aí non hai dúbida. É máis un problema político que técnico”, proclamou, e lembrou que, actualmente, segue pendente a tramitación do VII Plan de Xestión de Residuos Radioactivos, que inclúe “lanzar outro proxecto de ATC (Almacén Temporal Centralizado)”.

DEIXAR UN COMENTARIO

Please enter your comment!
Please enter your name here