InicioMedio Ambiente e PatrimonioO buque 'Rainbow Warrior' de Greenpeace chega a Vilagarcía tras a polémica...

O buque ‘Rainbow Warrior’ de Greenpeace chega a Vilagarcía tras a polémica co Porto de Vigo

López Veiga acusou a ONG de "desprestixiar" ao sector pesqueiro galego.

PUBLICADO O

O buque ‘Rainbow Warrior’ da organización ecoloxista atraca este xoves 25 de xullo no peirao do Ramal de Vilagarcía de Arousa (Pontevedra), última parada en España da campaña ‘En marcha polo clima’ que levou este barco por oito países e 15 portos, entre eles, o de Barcelona e Málaga.

A chegada á localidade arousá do ‘Rainbow Warrior’ prodúcese despois da polémica protagonizada co Porto de Vigo, cuxo presidente, Enrique López Veiga, acusou á organización de levar a cabo unha “deterioración constante” da actividade pesqueira galega e de “desprestixiala”.

E é que a cidade olívica era o lugar elixido por Greenpeace para facer escala en Galicia. Con todo, os ecoloxistas decidiron cancelar a atracada do ‘Rainbow Warrior’ no porto de Vigo, previsto para este mércores 24 de xullo.

Greenpeace agradece á Autoridade Portuaria de Vilagarcía, ao concello e a sociedade da comarca de Arousa “todos os esforzos realizados e as mostras de apoio recibidas” para que o ‘Rainbow Warrior’ recale no porto do norte de Pontevedra.

CALENDARIO DE ACTIVIDADES

O buque de Greenpeace permanecerá un total de cinco días en Vilagarcía, para os cales ten programadas unha serie de actividades coas que pretenden “concienciar sobre a emerxencia climática, esixir medidas urxentes aos gobernos e empresas e difundir as alternativas viables de participación cidadá en enerxías renovables”.

O sábado e o domingo, o ‘Rainbow Warrior’ poderá visitarse en horario matinal e vespertino.

O venres 26 terá lugar unha conferencia sobre alternativas enerxéticas e o domingo 28, Depedro, Uxía e Maika Makovski protagonizarán un concerto na Praza da Segunda República.

Antes de pór fin á súa escala en Galicia, o ‘Rainbow Warrior’ fondeará fronte á Illa de Arousa, onde será despedido cunha marcha naval con dornas e galeóns pola ría.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...