InicioMedio Ambiente e PatrimonioDeputación de Pontevedra e Concello de Vigo fan campaña contra o uso...

Deputación de Pontevedra e Concello de Vigo fan campaña contra o uso masivo de plásticos

Abel Caballero cualificou os plásticos como unha "peste" que invade ao planeta, polo que chamou a utilizar envases alternativos.

PUBLICADO O

- Advertisement -

A presidenta da Deputación de Pontevedra, Carmela Silva, e o alcalde de Vigo, Abel Caballero, visitaron o expositor que instalou a primeira entidade na praia de Samil para concienciar sobre as consecuencias da utilización de plásticos e instaron á cidadanía a buscar alternativas estes materiais.

Ademais, incidiron na necesidade de erradicar estes materiais, segundo recolleu a deputación nun comunicado. En concreto, trátase dunha iniciativa desta administración denominada ‘Experiencias SOStibles’, que percorrerá distintas localidades da provincia.

Durante a súa visita á ‘caseta’, Carmela Silva detallou que este proxecto busca concienciar sobre o efecto da acción do ser humano no medioambiente e remarcou que o 70 por cento dos plásticos acumúlanse nos fondos mariños, o que afecta á alimentación baseada en produtos procedentes do mar.

Así, explicou que esta iniciativa permitirá explicar á cidadanía como utilizar menos plásticos na súa vida diaria e informar sobre cales danan máis a natureza. Ademais, no marco da acción, repartiranse vasos biodegradables.

Abel Caballero cualificou os plásticos como unha “peste” que invade ao planeta, polo que chamou a utilizar envases alternativos. Tamén lembrou o compromiso do Concello coa sustentabilidade e asegurou que esta campaña permitirá que Vigo estea libre de plásticos tras o verán.

ÚLTIMAS

Casco Vello de Vigo aproba o seu plan ata 2030, con 25 inmobles de actuación prioritaria e un investimento de 15 millóns

O Consorcio Casco Vello de Vigo aprobou este xoves o seu plan de actuación 2026-2030,...

Comeza en Vigo a montaxe da árbore de Nadal “máis importante do planeta”

O alcalde de Vigo, Abel Caballero, visitou este xoves o inicio da montaxe do que...

Sanidade contrario a un radiólogo de garda en Vigo: “Imposibilitaría o desenvolvemento normal do servizo”

A Xerencia da área Sanitaria de Vigo asegurou que establecer un terceiro radiólogo de...

Choque entre Caballero e a Xunta pola auga de Vigo: “Só temos para 100 días”

O alcalde de Vigo, Abel Caballero, acusou á Xunta de Galicia de restar importancia á...