Investigan a aparición de bengalas incendiarias nun monte de Teis

A Comunidade de Montes denunciou en numerosas ocasións nos últimos anos actos vandálicos nesa zona.

Bengalas, artefactos incendiarios que poden causar lumes nos montes / Garda Civil

A Policía Nacional abriu unha investigación tras o achado, o pasado venres, de catro bengalas incendiarias nas proximidades da Madroa, na parroquia viguesa de Teis. Segundo confirmaron fontes policiais, trátase de bengalas incendiarias, pero descoñécese de momento a intencionalidade coas que se utilizaron e os seus autores.

Os axentes foron alertados o pasado venres por uns veciños da zona que escoitaron as detonacións. Efectivos da Policía Nacional e Autonómica que se deslazaron á zona acharon os catro artefactos tras inspeccionar o lugar de Espedrigal, próximo á Madroa.

O presidente da Comunidade de Montes de Teis, Eduardo García, precisou que os veciños que escoitaron as detonacións non saben se foron actos vandálicos ou ben se había intención de provocar un incendio.

García precisou que parecen “petardos incendiarios”, aparentemente “bastante antigos polas referencias que había”, e sinalou que a Comunidade de Montes denunciou en numerosas ocasións nos últimos anos actos vandálicos nesa zona.

1 COMENTARIO

  1. Prégolles que me desculpen se me escarallo da risa co seu titular sensacionalista… Por suposto que si, son “bengalas incendiarias”, fabricadas para incendiar; se non incendian ben, estando a garantía en vigor devólvese o diñeiro. 😀
    Abonda con mira-la imaxe para ver que son bengalas de sinais, das tipicamente usadas nos barcos en caso de emerxencia, e de petardos nada; a historia das detonacións non ten que ver con estes obxectos.

DEIXAR UN COMENTARIO

Please enter your comment!
Please enter your name here