InicioMedio Ambiente e PatrimonioOs animalistas queren acabar coa discriminación aos cabalos, esquecidos pola Lei de...

Os animalistas queren acabar coa discriminación aos cabalos, esquecidos pola Lei de Benestar Animal

A presión busca lograr cambios lexislativos que melloren a situación dos équidos na nosa terra.

PUBLICADO O

- Advertisement -

“A necesidade dunha Lei de Protección Equina parecería darse por descontada á luz dos continuos casos de cabalos con cepos nas súas patas que a Policía Local de Moaña e colectivos como a Asociación Animalista Libera e a Fundación Franz Weber, a través da súa web www.senpexas.info reciben cada pouco tempo localizados nos montes de Domaio, pero tamén no resto da provincia de Pontevedra”, subliñan os animalistas.

Só a liña de denuncias anónimas dos animalistas, aseguran, rexistrou 161 indicios desde 2011, que se corresponden con máis de trescentos équidos con toda clase de artefactos atados ás súas patas, desde as coñecidas popularmente como ” pexas” ou “trancas” ata cadeas e cordas camufladas con anacos de mangueira, que empregan algúns gandeiros para dificultar os avistamentos e as posteriores intervencións de liberación.

Cabalo e nenos / Miguel Núñez

O último caso rexistrado a pasada semana, onde axentes da Policía de Moaña documentaron a unha manda onde parte dos animais estaban parcialmente inmobilizados, foi aplaudido polos colectivos animalistas, que reclaman unha norma propia pero tamén a cooperación activa da Xunta fronte a estes casos de malos tratos continuados.

A colocación de pexas pode supoñer para o gandeiro a comisión dun delito de malos tratos animais, penado con ata 2 anos de prisión e a inhabilitación por un máximo de 36 meses para a tenencia, exercicio de profesión ou comercio de animais. Esta responsabilidade podería ver sumada a comisión dun delito contra a seguridade viaria se o animal causase un accidente ou fóra detectado sobre a calzada.

Cabalos/ Miguel Núñez

Neste sentido, a proposta de FFW e LIBERA! expón sancións similares á da actual Lei de Benestar Animal, onde os équidos están excluídos, pero que expón por malos tratos a outras especies ata 10 anos de inhabilitacións e sancións de ata 30.000 euros nos casos máis graves.

ÚLTIMAS

Hosteleiro libanés de Vigo expulsa un grupo de turistas israelís por mal comportamento no seu restaurante

Un hosteleiro libanés que rexenta un restaurante en Vigo expulsou a un grupo de...

Vigo anuncia que inicia os trámites para unha ordenanza sobre vivendas de uso turístico

O alcalde de Vigo, Abel Caballero, anunciou que o Concello iniciou a tramitación dunha...

OPINIÓN.- Unha cidade para quen a fixo grande

O Partido Popular de Vigo vén de propoñer que a antiga estación de autobuses...

Stellantis fai a última porposta para pagar a prima variable cun novo marco regulador

A dirección de Stellantis Vigo trasladou este xoves a sindicatos a súa última proposta...