InicioMedio Ambiente e PatrimonioA madeira queimada acumúlase sen que ninguén a recolla

A madeira queimada acumúlase sen que ninguén a recolla

PUBLICADO O

A Asociación Forestal de Galicia trasladou a preocupación das comunidades de montes poloatraso na curta da madeira queimada nos lumes do pasado mes de outubro, e reclamou a posta en marcha con fondos públicos dun plan para recuperar as masas forestais afectadas de Galicia.

Nun comunicado, este colectivo insistiu en que, pasados máis de catro meses desde os incendios, “unha parte importante da madeira queimada continúa nos montes“, sendo un “problema especialmente significativo” nos montes con convenio coa Xunta, nos que as poxas se están convocando “con atraso”.

Tal e como sinalou, os atrasos nas curtas “están depreciando a madeira de valor comercial”, o que repercute en perdas para os propietarios; e ademais hai saturación de madeira no mercado, polo que parte dos lotes que se poxan están a quedar desertos.

Ademais, advertiu do risco que supón non sacar a madeira en localidades como As Neves e Salvaterra, que ao estar dentro da zona demarcada pola praga do nematodo do piñeiro deben retirar antes do 1 de abril de cada ano todas as árbores susceptibles de albergar este insecto para evitar novos focos da praga.

Efecto dos incendios de outubro 2017 nos montes de Coruxo / Miguel Núñez

En canto á madeira sen valor comercial –maioritariamente plantacións de poucos anos–, a asociación apuntou que a Xunta convocou no outono axudas para retirala, “pero por agora non aprobou as solicitudes presentadas, polo que esa madeira continúa no monte”; e ademais segue pendente que a Administración concrete o seu compromiso de asumir a trituración desa madeira.

Pola súa banda, A Xunta negou “ningún tipo de atraso” na curta da madeira queimada en outubro e di que poxou o 100%.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...