Os colexios Mestre Goldar e Canicouva celebran o Día Mundial dos Humedais

Caballero e os nenos no Día dos Humedais/ Miguel Núñez

O alcalde de Vigo visitou este martes a xornada organizada polo goberno da cidade no parque de Castrelos para conmemorar o Día Mundial dos Humedais, con 120 alumnos dos colexios Canicouva e Mestres Goldar.

En declaracións aos medios, o alcalde explicou que esta iniciativa procura trasladar ao alumnado do Mestres Goldar e do Canicouva os valores medioambientais das zonas húmidas e a súa importancia na preservación da biodiversidade.

Caballero e os nenos no Día dos Humedais/ Miguel Núñez

De forma lúdica e participativa, os monitores explicaron aos escolares as características destes espazos como ecosistemas, a súa flora e fauna, e as especies autóctonas e invasoras, ademais de cuestións particulares do parque de Castrelos.

Caballero e os nenos no Día dos Humedais/ Miguel Núñez

No tocante ao parque, o alcalde avanzou que o goberno vigués traballa nun censo da fauna existente en Castrelos, que é “extremadamente rica”, e puxo en valor a recuperación das zonas húmidas coas que Vigo conta, entre a que destacou a da Bouza.

Caballero e os nenos no Día dos Humedais/ Miguel Núñez

A cidade ten 314.000 m2 de humedais, sendo os máis salientables os da Bouza, Goberna, Muiños, O Vao, Fontes-Pertegueiras, Barreiro e a Xunqueira do Lagares, este último de auga salgada. Caballero tamén falou en inglés aos cativos e recordoulles que Castrelos é “o mellor parque do mundo”.

 

Caballero e os nenos no Día dos Humedais/ Miguel Núñez

DEIXAR UN COMENTARIO

Please enter your comment!
Please enter your name here