InicioVigo e contornaO PorriñoO Festival de Cans saca a relucir o cinema galego nunha nova...

O Festival de Cans saca a relucir o cinema galego nunha nova edición

Este venres terá lugar a entraga do premio Pedigree ao director e guionista Jorge Coira.

PUBLICADO O

- Advertisement -

O Festival de Cans, que este ano se celebra do 1 ao 4 de setembro, entregará este venres o seu premio de honra ‘Pedigree 2021’ ao cineasta galego Jorge Coira, nunha xornada na que tamén se entregarán os ‘chimpíns’ de prata a Tamar Novas e Marisol González.

A xornada comezará cunha ruta literaria a cargo de Carlos Meixide, e con dous coloquios no Baixo de Carlos, nos que participarán, por unha banda, Jaione Camborda, Guillermo García, Álvaro Gago e Inbar Horesh e, na segunda das charlas, Celso Bugallo conversará con Tamar Novas, con motivo da publicación da autobiografía do primeiro.

Ao mediodía será a quenda do coloquio co hispanista Ian Gibson, que terá lugar no Torreiro e, a continuación, Andrés Goteira, Alejandro Marzoa, Jaione Camborda, Lucía Estévez e Guillermo García falarán sobre a elaboración de guións.

Xa pola tarde, tras os avances dos proxectos de Nuno Beato, Alfonso Zarauza, Javi Camiño, Marcos Nine e Andrés Goteira, estrearase o filme ‘9 fugas’, do vigués Fon Cortizo (no Baixo de Bugarín). A partir das 20,00 horas poderán verse en Cans as tradicionais procesións de ‘chimpibuses’ e o director brasileiro Kleber Mendoça Filho presentará unha retrospectiva das súas curtametraxes.

As homenaxes chegarán a partir das 21,30 horas, cando Keka Losada e Federico Pérez presentarán a estrea do documental ‘Cans con Máscara’ de Isaura Docampo, e entregaranse os ‘chimpíns’ de prata a Tamar Novas e Marisol González. Así mesmo, ademais da entrega de premios do concurso de videoclips, farase entrega do premio de honra ‘Pedigree 2021’ a Jorge Coira (que tamén terá a súa estrela no Torreiro).

A xornada completarase coa actuación de Maika Makovsky, a partir das 23,00 horas. A cantante mallorquina interpretará temas do seu último álbum, ‘MKMK’, e algunhas das súas cancións máis coñecidas.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...