Alertan da tala de árbores nas Gándaras de Budiño onde viven especies en extinción

A asociación Verdegaia denuncia ademais que esa acción se está facendo perto do Camiño Portugués e que se iniciará recheos para edificación.

Gándaras de Budiño

O motivo da corta das árbores segundo Verdegaia, é a construción de instalacións para un centro de formación dual e emprego, dirixido pola fundación Aceesca de apoio a persoas con discapacidade intelectual. A superficie a construír será de 1.000 metros cadrados e para iso o Concello do Porriño deu a aprobación para iniciar os traballos de corta e recheo.

O colectivo Verdegaia alertou a todos os partidos que forman parte da corporación do Porriño, de que as actuacións previstas para as Gándaras de Budiño e Ribeiras do Louro, estarían afectando a unha área considedara Hábitat de Interese Prioritario (H.I.P.). Esta área, que era parte da lagoa de Budiño, agora en retroceso, formara parte da Rede Natura ata o 2007. Logo de diversas recualificacións acabou como H.I.P. Entre mentres non lle era condedida esta cualificación, os terreos protexidos reduciron o seu tamaño, tanto pola construción do polígono das Gándaras como a autoestrada que vai en dirección Portugal.

Ademais disto, desde a asociación ecoloxista alertan que a área afectada polos traballos de construción, é un dos poucos lugares onde aínda pervive o sapoconcho común (Emys orbicularis), presente en escasos lugares a día de hoxe. A parcela mencionada está dentro da área de proteción deste anfibio. Verdegaia sinala que isto último obrigaría a actuacións e peticións de permisos á Consellería de Medio Ambiente. Non obstante, sinalan a inacción por parte dos poderes públicos galegos con competencias en materia medioambiental.

Por outra parte indícase que esta zona está perto do Camiño Portugués a Santiago, e de construírse as edificacións previstas, a contorna paisaxística acabaría moi afectada e deteriorada. Doutra banda, esta zona aluvial é considerada unha área inundable preferente pola Confederación Hidrográfica Miño-Sil. Desta maneira, as posibles construcións estarían afectadas por enchentas imprevistas do río Louro.

Tala nas Gandaras de Budiño

Este e o estado da parcela, esta mesma tarde 08/02/2020

Publicada por AHE-Galicia en Sábado, 8 de febrero de 2020

3 COMENTARIOS

  1. Viva a barbárie pepera. A seguir votando PPSOE e destruindo o País, esta é a vontade maioritária dos galegos. O auto-ódio terá o final quando já Galiza nom exista nem como paisagem.

DEIXAR UN COMENTARIO

Please enter your comment!
Please enter your name here