InicioVigo e contornaMosA colisión de catro turismos na A-55 sáldase con tres persoas evacuadas...

A colisión de catro turismos na A-55 sáldase con tres persoas evacuadas en Mos

PUBLICADO O

A colisión de catro turismos rexistrada na mañá deste venres na A-55 saldouse con catro persoas asistidas, das cales tres foron trasladadas a centros hospitalarios. Segundo os datos facilitados polo 112 Galicia, este accidente tivo lugar sobre as 8,30 horas na A-55 ao seu paso pola parroquia de Sanguiñeda, no municipio de Mos.

Varias persoas contactaron co 112 Galicia para alertar dunha colisión entre catro coches, ocorrida punto quilométrico 13 da estrada A-55. Nas chamadas, os particulares indicaron que había varias persoas que necesitaban asistencia médica, polo que, por parte do CIAE-112 Galicia informouse os servizos sanitarios e aos axentes da Garda Civil de Tráfico e da Policía Local.

Ademais, tamén se lle facilitou a información aos Bombeiros do Porriño, ao GES de Mos, ao persoal de mantemento da vía e ao Centro de Xestión de Tráfico. Finalmente, o 112 tivo constancia, por parte dos profesionais de Urxencias Sanitarias de Galicia-061, de que tres persoas resultaron feridas e necesitaron ser trasladadas.

Fontes sanitarias confirmaron a Europa Press que foron mobilizadas dúas ambulancias de soporte vital básico e unha de soporte vital avanzado para atender a catro persoas, unha das cales, unha moza de 20 anos, foi levada ao Hospital Álvaro Cunqueiro; e dous, un home de 75 anos e unha muller de 70, a outro centro hospitalario. Mentres, unha cuarta persoa, un home de 71 anos de idade, recibiu atención no lugar do sinistro, pero non necesitou ser trasladado.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...