Case 20.000 contaxiados covid na área de Vigo

Continúa aumentando a presión hospitalaria con 103 ingresados, deles 10 na UCI.

Cribado en busca de casos asintomáticos de COVID-19 nun centro de saúde / SERGAS.

Os novos contaxios de Covid-19 seguen en descenso en Galicia, cuns 4.700 que supoñen 200 menos que no inicio desta semana, aínda que os casos activos deste coronavirus ascenden a 73.688 –algo máis dun milleiro que a xornada anterior. Os pacientes hospitalizados por este coronavirus tamén baixan ata o 602 –oito menos– e a taxa de positividade cae a un 16% no conxunto de Galicia

Segundo os datos actualizados na mañá deste martes pola Consellería de Sanidade con rexistros ata as 18,00 do luns, descenden a 53 as persoas ingresadas en UCI pola Covid-19 en Galicia –una menos– e a 549 as hospitalizadas noutras unidades –sete menos–, mentres que 73.086 pacientes permanecen en seguimento no seu domicilio.

Por áreas sanitarias, a presión hospitalaria aumenta na área de Vigo, onde continúan 10 pacientes Covid en UCI e aumentan a 93 os ingresados noutras unidades –tres máis–.

CASOS

Tamén os casos activos volven aumentar e sitúanse en 73.688 en Galicia, que supoñen 1.115 máis que a xornada anterior ao haber máis novos contaxios (4.716) que altas (3.593), ao que se suman varios falecementos.  Por áreas sanitarias, os casos activos aumentan en seis das sete áreas sanitarias, coa de Vigo á cabeza (+487). Deste xeito, con máis casos activos continúa a área sanitaria de Vigo, con 19.489.

DEIXAR UN COMENTARIO

Please enter your comment!
Please enter your name here