Os novos contaxios de Covid-19 aumentan a 84 en Galicia, pero seguen por baixo do centenar, mentres que os casos activos manteñen a tendencia descendente e sitúanse en 1.819 a puno de iniciarse o otiño. Os pacientes hospitalizados por este coronavirus redúcense a 79 –oito menos que a xornada anterior– e a taxa de positividade aumenta lixeiramente a un 2,8 por cento.
Segundo os datos actualizados pola Consellería de Sanidade este mércores, con rexistros ata as 18,00 do martes, baixan a 23 as persoas hospitalizadas en UCI pola Covid –unha menos– e a 56 as que se atopan noutras unidades –sete menos–. Polo seu lado, hai 1.740 pacientes en seguimento nos seus domicilios.
A presión hospitalaria baixa en Vigo con catro pacientes en críticos –dous menos– e a tres os hospitalizados noutras unidades –un menos–.
CASOS EN DESCENSO
En canto as infeccións activas volven descender en seis das sete áreas sanitarias, salvo na de Ourense, na que aumentan lixeiramente (+2). Á cabeza na baixada está a da Coruña e Cee (-43); seguida da de Vigo (-28); Lugo (-13); Pontevedra e O Salnés (-9); Santiago e Barbanza (-8) e Ferrol (-8). Deste xeito, Vigo queda con 344 casos.
AUMENTO DE CONTAXIOS
Os contaxios de Covid-19 aumentaron a 84, o que supón 36 máis que os 48 da xornada anterior, tras arrincar a semana con 61, polo que se manteñen ao termo do verán por baixo do centenar. Do total, 19 corresponden á área de Vigo.