Unha colisión múltiple entre catro vehículos saldouse co mesmo número de persoas feridas este venres na A-55, ao seu paso por Mos.
Os feitos tiveron lugar no punto quilométrico 10,200 da autovía, en dirección Vigo, pouco antes das 7,30 horas. Nese momento, Protección Civil puxo o sinistro en coñecemento do 112 Galicia, que pasou o aviso a Urxencias Sanitarias de Galicia-061, á Garda Civil de Tráfico, aos Bombeiros do Porriño, á Policía Local e ao servizo de mantemento da vía.
Deste xeito, procedeuse a trasladar ás persoas que resultaron feridas, catro en total, a distintos centros hospitalarios da cidade olívica.
En concreto, entre os feridos había unha muller embarazada, que foi evacuada ao Hospital Álvaro Cunqueiro, mentres o tres implicados restantes foron trasladados ao Hospital Vithas Vigo.
