Leve aumento de casos diarios na área de Vigo, aínda que baixa a presión hospitalaria

Houbo 20 novos contaxiados, nove máis que o día anterior.

PCR / JCCM.

Os datos feitos públicos este martes pola Consellería de Sanidade confirman a tendencia á baixa no número de novos contaxios diarios de Covid en Galicia, que se sitúan en 156, cando hai xusto un mes, o 7 de agosto, o número de casos novos confirmados era de máis de mil, e seguen descendendo tamén os casos activos da enfermidade.

Así, segundo a información notificada polo Sergas (con datos solicitados ata as 18,00 horas do luns), nas últimas horas confirmáronse 156 novos contagios por este coronavirus, o que supón 38 casos menos que os notificados a xornada anterior.

Por áreas, as novas infeccións descenden en todas, excepto A Coruña, Vigo e Santiago, que rexistran lixeiros incrementos. Así, na de Vigo notificáronse 20 contaxios (9 máis). Con todo, seguen baixando os casos activos que quedan en 820, 38 menos.

PRESIÓN HOSPITALARIA

No que respecta á presión hospitalaria, nas últimas 24 horas non se produciron cambios substanciais, aínda que baixaron lixeiramente as cifras de camas ocupadas, tanto en UCI como en ‘planta’.

Así, mentres que hai 144 enfermos en unidades convencionais de hospitalización (9 menos que hai un día), hai outros 46 pacientes en unidades de coidados críticos (dous menos), 6 na área de Vigo.

DEIXAR UN COMENTARIO

Please enter your comment!
Please enter your name here