Dúas persoas resultaron feridas este sábado no choque entre un turismo e unha furgoneta na autovía A-55 ao seu paso por Mos.
Segundo informa o 112 Galicia, ocorreu pasadas as 14,00 horas da tarde e foi un particular quen chamou á central de emerxencias para alertar deste accidente ocorrido na parroquia de Petelos. O alertante descoñecía se había persoas atrapadas ou feridas os vehículos implicados.
Con estes datos, os xestores do 112 puxeron os feitos en coñecemento de Urxencias Sanitarias de Galicia-061, da Garda Civil de Tráfico e do servizo municipal de emerxencias de Mos. Tamén foi solicitada a intervención do servizo de mantemento das estradas para garantir e restablecer as condicións de seguridade na vía.
