InicioVigo e contornaMosA cidade deportiva do Celta, descualificada da Bienal de Arquitectura

A cidade deportiva do Celta, descualificada da Bienal de Arquitectura

O anuncio chega pouco despois de que un xulgado anulara parte das licencias urbanísticas por incumprimentos.

PUBLICADO O

Novo golpe ao proxecto da cidade deportiva do R.C. en Mos. Logo de que un xulgado de Pontevedra anulara parte das licenzas outorgadas polo Concello de Mos –e obrigara a revistar outras– o proxecto do club vigués vén de caer do certame da XV Bienal Española de Arquitectura e Urbanismo (BEAU), a onde accedera en calidade de finalista unhas semanas atrás polo deseño de ‘Afouteza’.

A decisión da Bienal de incluír o proxecto do Celta fora criticado no seu momento polas asociacións que, durante meses, loitaron contra as instalacións do club vigués alegando unha serie de incumprimentos que, finalmente, foron recoñecidos polos xulgados. A plataforma Auga e Vida, que agora celebra a exclusión do Celta, apunta que chegou a reclamar “a través de distintas canles” a descualificación do proxecto por contar cun “amplo rexeitamento social e numerosos informes técnicos desfavorables”.

“Asociacións veciñais, traídas de augas e colectivos ecoloxistas remitiran, ademais, diversos escritos ao comisariado da Bienal advertindo sobre o carácter irregular das obras e os prexuízos para un espazo natural de enorme valor”, explican dende a plataforma, que atribúe ao movemento asociativo a responsabilidade de ter mantivo “alerta” á organización da Bienal sobre as sombras que pendían arredor do proxecto celtista.

“ESPECULACIÓN URBANÍSTICA”

“A urbanización duns terreos cualificados como rústicos de protección forestal é incompatible cos valores de sustentabilidade que estes premios reivindican”, apuntan dende a plataforma aludindo ao “sentido común”. “Tal como se indicou nas reclamacións presentadas polas traídas veciñais de augas, a simple inclusión do proxecto poñía en cuestión o prestixio duns galardóns que teñen en conta nas súas bases criterios como <<o territorio, a sociedade, a sustentabilidade e a colectividade>>”.

De aí que hoxe celebren que a cidade deportiva do Celta quedara fóra dos proxectos premiados. Tal como se puxo de manifesto en ocasións anteriores, “por respecto aos demais proxectos presentados, ‘Afouteza’ non merecía estar entre os candidatos”, xa que se trata dunha construción  que “atenta contra a maneira de vivir e de sentir da comunidade”. O movemento veciñal vén denunciando, dende hai tempo, que se trata dunha operación “urbanística especulativa incompatible co aproveitamento racional dos recursos hídricos e forestais”, e que “implica a destrución dun ecosistema e despreza os usos tradicionais do territorio”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...