Un accidente múltiple en Mos deixa a catro persoas feridas

O accidente tivo lugar na madrugada deste sábado.

Sinalización nun accidente / GARDA CIVIL

Unha colisión múltiple entre tres coches, ocorrida na madrugada deste sábado no Concello de Mos, deixou a catro persoas feridas.

Segundo informa o 112 Galicia, un particular avisou, poucos minutos antes das 3,30 horas da madrugada, dun accidente en cadea na A-55, sobre o punto quilométrico 14, nos carrís de sentido a Vigo.

Foron avisados, entre outros, servizos sanitarios, axentes da Garda Civil de Tráfico, Bombeiros do Porriño e Protección Civil de Mos, así como persoal de mantemento da vía. Xa desde o lugar, a Garda Civil de Tráfico confirmou que, finalmente, foron tres os coches implicados na colisión e que, na mesma, resultaron feridas catro persoas.