InicioEconomíaVigo, unha das cidades do Estado máis baratas para facer a compra

Vigo, unha das cidades do Estado máis baratas para facer a compra

O hipermercado Alcampo de Coia en Vigo é o establecemento máis barato de España dos supermercados visitados pola OCU.

PUBLICADO O

Os prezos nos produtos de alimentación rexistraron unha subida histórica tras dispararse un 15,2% desde o último estudo de supermercados, segundo o informe realizado pola Organización de Consumidores e Usuarios (OCU) sobre o custo da cesta da compra, que detectou a maior alza de prezos da alimentación en 34 anos.

Segundo a OCU, as cidades onde máis barato resulta facer a compra son Vigo, Cidade Real, Jerez de la Frontera, Almería, Granada, Huelva, Puertollano e Palencia, mentres que Palma de Mallorca, Barcelona, Xirona, Madrid e Alcobendas-San Sebastián de los Reyes (Madrid) son as máis caras.

Por comunidades autónomas, A Rioxa, Estremadura, Galicia e Murcia son as máis baratas, mentres que Baleares e Cataluña é onde sae máis caro facer a compra.

A directora de comunicación e relacións institucionais de OCU, Ileana Izverniceanu, destacou que este ano se rexistrou unha “subida histórica” nos prezos da alimentación. “Ademais, este ano o aforro anual medio non supera os 1.000 euros, nótase que se aforra un pouco menos que o ano pasado, un 7,3% menos”, explicou en rolda de prensa.

Desta forma, unha familia pode chegar a aforrar unha media de 994 euros ao ano na cesta da compra, dependendo do establecemento que elixa á hora de realizar as súas compras de alimentación.

ALCAMPO DE COIA

O hipermercado Alcampo de Coia en Vigo é o establecemento máis barato de España dos supermercados visitados pola OCU, mentres que por cadeas se sitúan Tifer, que se atopa en localidades de Castela e León; Dani, a cadea local implantada en Xaén e Granada; e Family Cash. Alcampo e Supeco son as cadeas a nivel estatal máis baratas para facer a compra.

DIA E MERCADONA, AS QUE MÁIS SUBIRON OS PREZOS

O informe deste ano constata que por primeira vez todas as cadeas de supermercados sen excepción subiron os seus prezos, sendo entre as grandes cadeas, Dia e Mercadona, as que máis elevaron os seus prezos neste período.

O informe analizou este ano un total de 173.392 prezos de produtos tras visitar 1.180 establecementos de 80 cadeas de supermercados repartidos por 65 cidades do Estado ademais de Internet.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...