Novo parón da planta de Stellantis en Vigo por falta de subministros. A empresa volve prorrogar a suspensión de actividade en ambos os sistemas de produción debido aos problemas de aprovisionamento, segundo comunicou a dirección da empresa ao persoal.
Así, fai algo máis dunha semana anunciaba paradas en ambos os sistemas e, o pasado venres, informaba de que esa suspensión de actividade debían prolongarse uns días. Este luns confirmou que a parada se ampliará ata a próxima semana.
Deste xeito, a produción no sistema 1 (que monta o Peugeot 2008, Peugeot 301 e C-Elysée) e no sistema 2 (que monta as furgonetas Berlingo, Peugeot Rifter/Partner, Opel Combo e Fiat Doblò), queda suspendida ata o luns 5 setembro, cando se prevé a volta ao traballo na quenda da mañá.