Os aeroportos de Santiago e Vigo rexistraron senllos incrementos nos pasaxeiros transportados en xullo, do 20,6% e do 4% en comparación con igual período de 2019, respectivamente, mentres que o da Coruña anotouse un descenso do 31,8%, segundo os datos que publica este venres Aena.
En canto ao aeroporto compostelán, un total de 364.186 viaxeiros fixeron uso das instalacións aeroportuarias e operáronse 2.780 voos, un 24,6% máis que o mesmo mes de fai tres anos, antes da pandemia do coronavirus. Entre xaneiro e xullo rexistráronse máis de 1,7 millóns de viaxeiros.
En canto á cidade olívica, os pasaxeiros alcanzaron os 104.625 e as operacións situáronse en 1.521, un 31,3% máis. As mercadorías transportadas diminuíron un 33,9%.
Pola súa banda, na Coruña, con 88.740 viaxeiros, un 31,8% menos que en xullo de 2019, pero un 22,3% máis que o sétimo mes de 2021, as operacións tamén caeron, un 21,7%, ata 1.375, e as mercadorías reducíronse un 39,8%.
