InicioEconomíaA Xunta adxudica máis de 108.000 metros cadrados na Plisan a dúas...

A Xunta adxudica máis de 108.000 metros cadrados na Plisan a dúas empresas

Trátase de Lonza Biologics Porriño S.L. e Plataforma Loxística Plisan, S.L. É a maior adxudicación de chan nesta área empresarial ata o momento.

PUBLICADO O

Xuntaadxudicou un total de 108.544,48 metros cadrados de chan na Plataforma loxística e industrial de Salvaterra-As Neves (Plisan) ás empresas Lonza Biologics Porriño S.L.Plataforma Loxística Plisan, S.L.Trátase da maior adxudicación de chan nesta área empresarial ata o momento.

En ambos os casos, as parcelas foron adxudicadas en dereito de superficie, unha modalidade que permite ás empresas acceder ao chan a cambio do pago dun canon reducido anual e coa posibilidade de adquirir a parcela durante os primeiros anos a prezo bonificado.

En concreto, á empresa Lonza Biologics Porriño S.L. adxudicáronselle 4 parcelas, cunha superficie total de 101.899,61 metros cadrados, que destinará á fabricación de produtos farmacéuticos, cunha nave de produción de 20.000 metros cadrados e un investimento de 200 millóns de euros, que permitirá crear ao redor de 200 postos de traballo.

O prezo de venda das parcelas supera os 5,42 millóns de euros, pero ao tratarse dunha adxudicación en réxime de dereito de superficie a empresa abonará un canon anual de 0,80 euros por metro cadrado de chan durante os dous primeiros anos, o que supón un total de 81.331,17 euros ao ano. Nos anos terceiro e cuarto o canon será de 1,33 euros por metro cadrado (135,551,96 euros anuais) e, a partir do quinto ano, o canon será de 1,86 euros por metro cadrado (189.772,74 euros ao ano).

No que respecta a Plataforma Loxística Plisan, S.L.adxudícaselle unha parcela de 6.644,87 metros cadrados, que teñen un prezo de venda de 476.503,66 euros. A empresa destinará a parcela a envasado e conservación en frío de alimentos frescos como peixe, marisco, cefalópodos, carne, vexetais, alimentos precocinados e sobremesas. Prevé un investimento de máis de 2,2 millóns de euros e acreación de 8 empregos.

O canon que abonará a empresa polo dereito de superficie será de 1,08 euros por metro cadrado e ano durante os dous primeiros anos (7.147,55 euros ao ano). Durante os anos segundo e terceiro o canon será de 1,79 euros por metro cadrado (11.912,59 euros ao ano) e no quinto e seguintes anos o canon será de 2,51 euros por metro cadrado (16.677,63 euros ao ano).

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

Os 15 pediatras que obtiveron praza por concurso de méritos na área de Vigo teñen ata o 18 de abril para incorporarse

O Diario Oficial de Galicia (DOG) publicou recentemente dúas resolucións que adxudicaron a 70...

Un milleiro de bailaríns, inscritos xa na XII edición de Vigo Porté, que traerá danza e música ás rúas da cidade a finais de...

Un milleiro de bailaríns inscribíronse xa na XII edición de Vigo Portei, desde que...

Constitúese a plataforma “Vigo verde -Salvemos a Barrorca” para rexeitar a talla da Carballeira de Casaliños en Navia

"Este mesmo domingo 17 de marzo, a plataforma "Vigo verde -Salvemos a Barrorca" organiza...