InicioEconomíaO sector do mar da Guarda entra na era tecnolóxica

O sector do mar da Guarda entra na era tecnolóxica

Palangreiros da Guardaapostan pola tecnoloxía para mellorar as condicións de traballo e seguridade.

PUBLICADO O

Orpagu, que representa a uns 80 buques palangreiros da Guarda e Portugal, presentou este mércores na feira Navalia a súa iniciativa DIGIPRO, que entra agora na súa segunda fase, e que persegue a mellora das condicións de traballo e seguridade a bordo, a través da dixitalización de sistemas de comunicación.

Así, segundo explicou Juana Parada, directora-xerente de Orpagu, xa se instalaron sistemas de internet de banda ancha en 9 buques, cos seus respectivos equipos, e nesta segunda fase habilitarase o centro de operacións en terra, onde se recibirán en tempo real todos os datos do buque relativos a localización, temperatura, proceso de conxelación, consumo de combustible, etc.

A finalidade deste proxecto é poder coñecer de inmediato calquera fallo no funcionamento dos barcos, creando unha canle de comunicación en tempo real entre os buques e terra. Na fase final do proxecto crearase un cadro de mandos compartido entre o patrón e o persoal de terra de Orpagu, que aumentará a seguridade tanto para a tripulación como os produtos que se manexan a bordo.

Grazas á banda ancha, a organización pode facer un seguimento dos seus barcos en todos os caladoiros do mundo, e tamén pode detectar calquera incidencia. Ademais, esa conexión de alta calidade mellorou tamén as condicións de vida a bordo, xa que os mariñeiros poden ter mellor comunicación coas súas familias, gozar de películas ou eventos deportivos.

ÚLTIMAS

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...

Poñen marcha un servizo de aluguer de bicis eléctricas en Vigo, dispoñibles en sete aparcadoiros da cidade

A compañía Welgood puxo en marcha un servizo de aluguer de bicicletas eléctricas en...