InicioEconomíaA depuradora da Moscadeira será ampliada cun investimento de 11,7 millóns de...

A depuradora da Moscadeira será ampliada cun investimento de 11,7 millóns de euros

A actual falta de capacidade fai que se produzan verteduras ao río Tea.

PUBLICADO O

- Advertisement -

A Xunta de Galicia, Aguas de las Cuencas de España (Acuaes) e o Concello de Ponteareas asinaron este venres un acordo para a execución da ampliación da depuradora da Moscadeira e a mellora do saneamento deste concello cun investimento conxunto de 11,7 millóns de euros.

En concreto, a conselleira de Infraestruturas e Mobilidade, Ethel Vázquez, xunto coa directora de Augas de Galicia, Teresa Gutiérrez, rubricou o convenio de colaboración coa directora de Acuaes, Rosa Cobo, e a rexedora de Ponteareas, Cristina Fernández.

O Executivo autonómico investirá 2,3 millóns de fondos propios para o financiamento do proxecto. O resto do orzamento, ata completar os 11,7 millóns, virán dos fondos europeos consignados polo Estado e das tarifas que nos próximos anos abonarán os usuarios.

A actuación ten por obxectivo a mellora do saneamento do núcleo de Ponteareas e os seus arredores, e a ampliación da capacidade da actual depuradora, mellorando ademais o rendemento do proceso de depuración mediante a eliminación de nutrientes.

“Desta maneira, solucionaranse os dous problemas que actualmente se producen con infiltracións na rede de colectores pola falta de capacidade, que fai que se produzan verteduras ao río Tea, e a existencia dunha depuradora que traballa ao límite da súa capacidade en época estival e presenta deficiencias no seu funcionamento”, indicou o Ministerio para a Transición Ecolóxica e o Reto Demográfico.

Pola súa banda, Ethel Vázquez puxo o foco en que aínda que as competencias de abastecemento, saneamento e depuración son municipais, a Xunta é “consciente” de que o exercicio eficaz destas responsabilidades ten implicacións técnicas e económicas que desbordan as capacidades dos concellos.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...