InicioEconomíaChaman a manifestarse en Vigo en defensa do naval e do sector...

Chaman a manifestarse en Vigo en defensa do naval e do sector industrial

A CIG denuncia a "desertización industrial" da comarca.

PUBLICADO O

- Advertisement -

A Unión Comarcal da CIG en Vigo fixo un chamamento á participación na manifestación prevista para este mércores na cidade, e que sairá ás 18,00 horas do cruzamento da Dobrada (para acabar no Farol de Urzáiz), en defensa do sector naval e para denunciar a “desertización industrial” da comarca.

Segundo lembrou o sindicato nacionalista, só na cidade de Vigo hai na actualidade 5.400 empregos industriais menos que en 2009 e, “só no último ano”, destruíronse uns 2.500 postos de traballo neste sector económico.

Segundo a CIG, “esta situación ten causas e tamén responsables”, e sinalou directamente a Xunta pola “falta de política industrial”, á vez que advertiu de que “o futuro de Vigo será industrial ou non será”. “Como país non podemos permanecer impasibles ante o continuo retroceso do verdadeiro pulmón industrial que foi historicamente esta área”, subliñaron desde o sindicato.

A CIG insistiu, ademais, en que existe “un risco real” de que o sector naval “acabe desaparecendo”, tendo en conta a situación de estaleiros como Barreras (sen carga de traballo e endebedado) ou Vulcano (a piques de perder a concesión portuaria), e iso malia que chegou a ter, xunto coa industria auxiliar, case 10.000 traballadores.

Respecto diso, volveu pedir a intervención pública directa neses estaleiros, “ante a incapacidade do capital privado para pór en marcha as enormes potencialidades do sector naval”.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...