A Xunta quere que os 50 millóns do Goberno central na AP-9 sexan para gratuidade nas viaxes

Pide que a viaxe de volta sexa gratis e un desconto do 60% para as viaxes de ida e volta dos vehículos de transporte.

Peaxe de Rande colapsada | Fonte: Iván Leis (@Leisoes) en Twitter.
Peaxe de Rande colapsada | Fonte: Iván Leis (@Leisoes) en Twitter.

A Xunta quere que o Goberno central dea xa pasos decisivos para bonificar aos usuarios da AP-9. A pesar de que Madrid anunciou xa 50 millóns de euros nos PGE para aliviar as custosas peaxes da Autoestrada do Atlántico, o certo é que o Goberno galego di que “aínda non se viron nada deses millóns”. Por iso, propón que pase á acción e aplique bonificacións a turismos e vehículos de transporte.

Neste sentido ten duas propostas concretas; a gratuidade da viaxe de volta para todos os vehículos lixeiros en calquera día da semana e un desconto do 60% de ida e volta para os vehículos pesados.  No primeiro dos casos tamén aposta por un desconto do 25% nas viaxes de ida se se producen nun intervalo de 24 horas e de luns a sábado.  Sobre a segunda das bonificacións di que vai destinado ao transporte de mercadorías para “desonxestionar as estradas convencionais e garantir a seguridade no tráfico”.

A evolucion das peaxes en Galicia é un agravio e xa levamos tempo solicitando a rebaixa das peaxes”, dixo o vicepresidente da Xunta, Alfonso Rueda, na rolda de prensa posterior ao Consello da Xunta. “O que pedimos é que se cumpra o prometido con Rajoy, que se libere a peaxe de Redondela e se apliquen esas bonificacións comprometidas”, apuntou.

DEIXAR UN COMENTARIO

Please enter your comment!
Please enter your name here