Vigo é o concello galego que máis adica a vivenda protexida

Adica un 18,8% das promocións urbanísticas a este fin.

Edificios de Navia / Wikipedia

Os concellos galegos reservarán para vivenda protexida no ano 2021 unha media do 6,4 por cento do seu terreo edificable, segundo publica este venres o Diario Oficial de Galicia (DOG) na relación da porcentaxe de reserva dos municipios con máis de 5.000 habitantes.

Vigo é o concello que maior porcentaxe aplicable este apartado co 18,8%, seguido por Pontevedra co 11,82%. Tamén superan o 10% os municipios de Brión (10,8%) e Lugo (10,3%).

Na maioría dos municipios a porcentaxe aplicable queda fixada no 6,4%, segundo recolle a orde do DOG.

Da fixación dunha porcentaxe para dedicar a vivenda protexida quedan exentos os municipios con padrón de habitantes inferior a 5.000 habitantes no momento de aprobar o plan xeral de ordenación urbanística.

Please wait while you are redirected...or Click Here if you do not want to wait.

DEIXAR UN COMENTARIO

Please enter your comment!
Please enter your name here