Xunta e Norte de Portugal piden manter abertos os máximos pasos posibles na fronteira

O obxectivo é tentar paliar ou "limitar no posible o impacto negativo" que poida ter tanto na economía "como na vida cotiá" dos habitantes da 'raia'.

Un control policial na fronteira de Galicia con Portugal / Marta Vázquez Rodríguez - Europa Press.

Agrupación Europea de Cooperación Territorial (AECT) da Eurorrexión Galicia-Norte de Portugal solicita que se teñan en conta as peculiaridades das áreas transfronteirizas e se manteñan abertos os máximos pasos posibles, para amortecer os efectos do peche de fronteiras emprendido polo país luso para conter a pandemia.

O obxectivo é tentar paliar ou “limitar no posible o impacto negativo” que poida ter tanto na economía “como na vida cotiá” dos habitantes da ‘raia’, para que non se repita a situación creada o pasado ano que obrigou a traballadores a realizar grandes desprazamentos debido aos poucos puntos de cruzamento permitidos.

Advertiron de que manter estes puntos en Verín e o de Salvaterra suporá “volver ao peor momento” do pasado ano e podería ocasionar, de novo, “obstáculos na circulación” e problemas para estes traballadores transfronteirizos.

DEIXAR UN COMENTARIO

Please enter your comment!
Please enter your name here