A expatroa da confraría de pescadores Virxe do Carme de Arcade-Soutomaior, Rita Míguez de la Iglesia, negou as acusacións do novo equipo directivo, que o pasado venres informou da presentación dunha querela criminal por supostas irregularidades cometidas durante o anterior mandato.
Míguez cualifica de “desatinada performance“ a actuación da nova directiva, que acusan s executiva saínte de cometer varios delitos de administración desleal, furto, extorsión e apropiación indebida.
Así, di non ter constancia de que exista unha denuncia presentada nos xulgados contra a súa persoa, aínda que expresa que está “a desexar” comparecer ante a xustiza para defenderse ante acusacións que nega e ve orientadas a “mancillar” a súa “irreprochable” traxectoria como patroa maior.
Por último, Míguez afirma que o “acto de difamación gratuíta” e o “ataque infame” contra a súa persoa “terá severas consecuencias legais no futuro unha vez se arquive a eventual causa xudicial”.