InicioEconomíaCaballero ve "imprescindible" facer investimentos no ciclo da auga que poden superar...

Caballero ve “imprescindible” facer investimentos no ciclo da auga que poden superar os 100 millóns

Son actuacións de renovación ou mellora de equipamentos que suporía un investimento de algo máis de 9 millóns anuais na próxima década.

PUBLICADO O

O alcalde de Vigo, Abel Caballero, admitiu este martes que é “imprescindible” facer investimentos nas redes de saneamento e abastecemento da cidade, uns investimentos que os propios técnicos municipais cifran en máis de 100 millóns de euros, aínda que o rexedor non precisou quen debe asumir ese custo.

A preguntas dos medios nunha rolda de prensa, Abel Caballero, recoñeceu que eses investimentos deben facerse e lembrou as deficiencias que presentan as conducións e infraestruturas do ciclo da auga na cidade. “É o Vigo que eu herdei”, lamentou.

No entanto, cuestionado acerca de que administración debe asumir ese gasto (Caballero defendeu no seu momento que debía ser a Xunta) ou se será un investimento que faga a propia empresa fornecedora do servizo a cambio dunha prórroga da concesión, que acaba a finais deste ano, o rexedor non entrou en detalles.

Segundo o informe técnico incluído no expediente de modificación da ordenanza, e no que se detallan as necesidades de investimento en infraestruturas de saneamento e abastecemento, Vigo necesita realizar obras para un correcto funcionamento do servizo.

Así, trátase de actuacións de renovación ou mellora de equipamentos nas estacións potabilizadoras, nas depuradoras, na rede de sumidoiros, na captación e condución, nos colectores, en depósitos, etc., por 101 millóns de euros, o que supón un investimento de algo máis de 9 millóns anuais na próxima década.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...